Leiaren sin 50 årsfeiring

Den 27. desember feira leiar, Reidar, 50 års dagen sin, og då var sjølvsagt også koret med og song. Vi starta tradisjonelt med ein julesong, og fortsette med ulike kabaret songar. Midtvegs heldt Bjarne Bø ei lita tale, og overrekte blomar til jubilanten.

Dirigenten vår Solfrid Bjørkum bidrog også med ein flott versjon av "Gabriellas song"

Ein kjekke kveld å få vere med på :-)

God Jul

No har Breimskoret synge jula inn i Breim kyrkje, og julefreden har seinka seg over Breimsbygda. God Jul

Julekonsert

14 desember song vi i Breim kyrkje på julekonsert. Vi håpar at folk fekk god julestemning denne kvelden- det gjorde i alle fall vi.

Julebord

Laurdag 13. desember hadde Breimskoret julebord. Som vanleg var vi samla i Kvia i Bø, der Marit og dei 2 flinke hjelparane hennar Kari og Grete hadde laga til deileg julemat og gode kaker.

Det første som møtte oss var velferdskomiteen som hadde laga god gløgg . Då vi var komne til bords stilte like godt velferdskomiteen opp med Luciatog, og sjølvaste Sankta Lucia var Kristen Kleppe. Hildegunn leia oss gjennom programet på ein fin måte, med både gåter og vitsar på lur:-)

Nye leiaren Reidar sa også nokre ord, og heidra fleire i koret, spesielt dirigenten vår ho Solfrid som også fekk overrekt blomar

Det blei sjølvsagt mykje song på julebordet og Arne Søholt spela på trekkspel så vi hadde tonefølge. Ein kjekk kveld for alle oss som var der!

Årsmøte

Måndag 17. november hadde Breimskoret årsmøte. Møtet starta på tradisjonelt vis klokka halv 8, med leiar Sjur Atle som ønskte velkomen. Nestleiar Reidar vart vald til ordstyrar og så var møtet i gang. I år gjekk Sjur Atle av som leiar i Breimskoret og ny leiar blei Reidar Moldestad.
Sjur Atle fekk som seg hør og bør blomster, og fortenar ros for innsatsen han har gjort i koret når han har vore leiar.

På slutten av møtet hadde vi ein gjennomgang av kva vi skal framover. Det som kjem først av arrangement for oss er julekonserten i Breim kyrkje, 14. desember. Vi kjem også til å synge jula inn på julafta også i år. I januar skal vi i lag med dei andre kora i Gloppen vere med å synge under opninga av Trivselshagen. Vi snakka også ein del om kabareten og øvingshelgar. Vi får nok ein travel, men spennande og kjekk etterjulsvinter og vår i år og :-)

Kulturkveld

25. oktober 2008, var det ein hyggeleg kulturkveld i Breimshallen
Komite en bestod av Bjarne Bø, fordi han også på denne dagen hadde rund dag.
Songgruppa (forgjengarane til Breimskoret) var med og song "gamle slagarar" og Marit og Kari (som fortsatt er aktive medlemmar i Breimskoret) var spesielt populære med sitt glansnummer "Kari og Ivar Medås"

Breimskoret var sjølvsagt også med og song. Det var gjenhøyr med fleire kabaretviser. Då vi skulle til å synge "papirsklip" slo koret over på "gratulerer med dagen" og ein overraska Bjarne kom fram og fekk blomar av leiar Sjur Atle Austrheim.

Ein triveleg kveld både for kormedlemmar og bygdefolk elles :-)